ਡੱਕੇ

ਮੋਹਨ ਆਲੋਕ

ਕ੍ਰਿਕਿਟ ਐਮਪਾਇਰ ਸਰ ਜੌਨ ਸਟੀਕਰ
ਨੇ ਸਿੱਕਾ ਉਛਾਲਿਆ ਜਦੋਂ ਲੈ ਕੇ ਥੋੜੀ ਲੀਕਰ
ਖੜ੍ਹਾ ਹੋ ਗਿਆ ਟੌਸ
ਬੋਲੇ ਕਰਕੇ ਅਫ਼ਸੋਸ
ਹੁਣ ਤੁਸੀਂ ਉਡੀਕੋ ਇਹਨੂੰ ਧਰਤੀ ਹਿੱਲਣ ਤੀਕਰ
*********************************

ਇੰਡੀਅਨ ਕਲਾਸੀਕਲ ਸਿੱਖਣ ,ਇੱਕ ਲੇਡੀ ਫਰੌਮ ਫਰਾਂਸ
ਆਈ ,ਆਕਟ ਉਹਨੇ ਸੀ ਲੁਧੀਆਣੇ ਸੀ ਲਿੱਤੀ ਸਾਂਸ
ਨਹੀਂ ਮੱਛਰਾਂ ਨੇ ਛੱਡੀ
ਖੂਬ ਲਿਆਂਰ ਨਾਲ਼ ਵੱਢੀ
ਇੱਕ ਰਾਤ ‘ਚ ਹੀ ਸਿੱਖ ਗਈ ਉਹ ਕਥਕਲੀ ਡਾਂਸ
*********************************

ਕੁੜੀ ਵੇਖਣ ਗਿਆ ਜਦੋਂ ਲੱਲੂ ਲਾਲ ‘ਲੈਟਰ’
ਕੁੜੀ ਨੂੰ ਵਿਖਾਓ ਕਹਿੰਦਾ ਲਾਹ ਕੇ ਸਵੈਟਰ
ਸਿਹਤ ਭਾਈ ਬਿਲੋ ਦੀ
ਪੰਦਰਾਂ ਕੁ ਕਿੱਲੋ ਦੀ
ਵੇਖ ਕੇ ਬੋਲਿਆ ,ਕਹਿੰਦਾ’ਸੌਰੀ’ ਬਹੁਤ ਘੱਟ ਹੈ ‘ਮੈਟਰ’
*********************************

ਅੱਖਾਂ ਦਾ ਡਾਕਟਰ ,ਖੇਤਾ ਸਿੰਘ ‘ਖਾਲੀ’
ਦੀ ਅੱਖਾਂ ਟੈਸਟ ਕਰਨ ਦੀ ਤਰਕੀਬ ਸੀ ਨਿਰਾਲੀ
ਮਰੀਜ਼ ਕੋਈ ਆਉਂਦਾ ਸੀ
ਤਾਂ ਖੇਤ ‘ਚ ਲਿਜਾਂਦਾ ਸੀ
ਪੁੱਛਦਾ ਸੀ ,ਦੱਸ ਸਾਹਮਣੇ ਉਹ ਤੂਤ ਹੈ ਜਾਂ ਟਾਹਲੀ?
*********************************

ਅਲਟ੍ਰਾਸਾਉਂਡ ਕਰਾਉਣ ਲਈ ਦੱਤਾ ਜਦੋਂ ਰੁੱਕਾ
ਢਿੱਡ ਨਹੀਂ ,ਗੋਡਾ ਦੁਖਦਾ ਹੈ ਬੋਲਿਆ ‘ਸੁੱਖਾ’
ਢਾਕਟਰ ਬੋਲਿਆ,ਭਾਈ
ਨਾੜੀ ਢਿੱਡ ‘ਚੋਂ ਹੀ ਆਈ
‘ਚੈਕਅਪ ਫਸਟ’,ਮੈਂ ਅਵੇਂ ਹੀ ਮਾਰਦਾ ਨਹੀਂ ਤੁੱਕਾ
*********************************

ਕੰਨੋਂ ਲਮਕਣਾ ਸੀ ਤੇ ਉਹੋ ਜਿਹੇ ਖੁਰ ਸੀ
ਘਰੇ ਲੋਕੀ ਆਉਣ ਲੱਗੇ ਕਰਨ ਮਾਤਮਪੁਰਸੀ
ਮਰਨ ਵਾਲਾ ਢਾਈ ਸੀ
ਪਰ ਸੱਤਾ ਦਾ ਸ਼ੈਦਾਈ ਸੀ
ਸੱਥਰ ਉੱਤੇ ਬੈਠਾ ਤਾਂ ਵੀ ਲੈਕੇ ਬੈਠਾ ਕੁਰਸੀ
*********************************

ਪੰਜ ਸੱਤ ਕਲਮਾਂ ਤੇ ਸਿਆਹੀ ਇੱਕ ਲੀਟਰ
ਲੈਕੇ ਲਿਖਣ ਬੈਠਾ ਗ਼ਜ਼ਲ ‘ਗੋਲੂ ਰਾਮ ਗੀਟਰ’
ਨਾ ਬਹਿਰ ,ਵਜ਼ਨ ਜਾਣਦਾ ਸੀ
ਨਾ ਆਨੰਦ ਮਾਣਦਾ ਸੀ
ਕਾਗ਼ਜ਼ ਕਾਲਾ ਕਰ ਦੇਂਦਾ ਸੀ ਮਿਣ ਕੇ ਇੱਕ ਮੀਟਰ
*********************************